Poçettino Premyer Liqada “Vest Hem”lə oyunda “Çelsi”nin məğlubiyyətindən danışıb

“Çelsi”nin baş məşqçisi Maurisio Poçettino İngiltərə çempionatının 2-ci turunda “Vest Hem”lə oyunda məğlubiyyəti (1:3) şərh edib.

Busaat.az xəbər verir ki, bu barədə “Çelsi”nin rəsmi saytı məlumat yayıb.

“Nəticələrin performansa uyğun gəlməməsi narahatlıq doğurur. Bir neçə şansı əldən verdiyimiz üçün oyunun əvvəlində bir az əsəbiləşdim. “Vest Hem”in nə qədər təhlükəli olduğunu bilirdik və onlara qol vurmaq imkanı verdik. İkinci hissəyə gec başladıq, əvəzlənmədən sonra çıxış yolu tapmağa çalışdıq. “Vest Hem” ikinci qolu vurdu ki, bu da onlara nəticəyə həqiqətən inanmağa kömək etdi. Bizim üçün bunlar çox tələsdiyimiz vəziyyətlər idi. Daha səbirli olmalıyıq. Buna görə məyus oldum, amma proses budur. Məğlubiyyəti qəbul edib işləməyə davam etməliyik. Şübhəsiz ki, komandada işlər yaxşılaşdıqda biz qalib gələcəyik “,- deyə Poçettino bildirib.

Qeyd edək ki, növbəti mərhələdə “Çelsi” “Luton Taun”la qarşılaşacaq. Görüş avqustun 25-də baş tutacaq.