"PSJ" Neymarla vidalaşmağa hazırdır

“Paris Saint-Germain” klubu hücumçu Neymarla yollarını ayırmağa hazırdır.

Busaat.az xəbər verir ki, bu barədə “Relevo” məlumat yayıb.

Mənbə bildirir ki, Paris klubu cari transfer pəncərəsində futbolçunu satmağa hazırdır. Luis Enrikenin rəhbərlik etdiyi “PSJ”nin məşqçilər korpusu Neymarın gedişinə mane olmayacaq.

Kataloniya klubunun maddi durumu səbəbindən Neymarın “Barselona”ya qayıtması ehtimalı çox azdır.

Onun karyerasını davam etdirmək üçün üç variantı var: Premyer Liqa, MLS və Səudiyyə Ərəbistanı çempionatı.

Səudiyyə Ərəbistanından kluba keçmək Neymar üçün ən az cəlbedicidir və karyerasını MLS-də davam etdirmək seçimi prioritetdir.

Qeyd edək ki, Neymarın “PSJ” ilə müqaviləsi 2025-ci ilin iyununa qədərdir.