"Qərarlı mövqe sərgiləsək, Zəngəzur dəhlizini də açacağıq" - Partiya sədri

“Rusiya münaqişəni öz monopoliyasında saxlamağa çalışsa da, artıq buna gücü çatmır”.

Busaat.az xəbər verir ki, bunu Ermənistanın 97 min minanın basdırıldığı ərazinin xəritəsini Azərbaycana verməsinə münasibət bildirən Böyük Azərbaycan Partiyasının (BAP) sədri Elşad Musayev deyib.

Partiya sədrinə görə,Ermənistan tərəfinin ölkəmizə hələ verəcəyi və qaytaracağı çox şeylər var:

“Maraqlıdır ki, proses Rusiyanın vasitəçiliyi ilə deyil, Gürcüstanın Baş nazirinin, ABŞ Dövlət Katibliyinin, Avropa Şurası Prezidentinin və ATƏT-in İsveçdən olan sədrinin vasitəçiliyi ilə baş tutub. Bu, onu göstərir ki, Rusiya münaqişəni öz monopoliyasında saxlamağa çalışsa da, artıq buna gücü çatmır. Digər iri güclər və tərəflər də öz ağırlıqlarını ortaya qoymağa çalışır, yeri gələndə problemin həlli istiqamətində öz töhfələrini verirlər. Biz nə qədər basqılı, ardıcıl, qərarlı və optimist mövqe sərgiləsək, bir o qədər istəklərimizi həyata keçirəcəyik. Belə olan halda hələ də işğal altında olan torpaqlarımızı da qaytaracağıq”.

Gülay