Qvardiola “Mançester Siti”nin UEFA Superkubokunda qələbəsini şərh etdi
“Mançester Siti”nin baş məşqçisi Xosep Qvardiola UEFA Superkubokunda “Sevilya” üzərində qazanılan qələbəni (əsas vaxtda 1:1, penaltilərdə 5:4) şərh edib.
Busaat.az xəbər verirki, bu barədə UEFA-nın rəsmi saytı məlumat yayıb.
“Düşünürəm ki, sonda qələbəyə tam layiq idik. Ederson bizi bir-iki dəfə xilas etdi. Keçən həftə “Arsenal”la qarşılaşmada penaltilərdə uduzsaq da, bu dəfə qalib gəldik.
Əvvəllər komanda çoxlu kuboklar qazananda məndə bəzən motivasiya çatışmazlığı hiss olunurdu. Amma bu gün o hiss yox idi. Biz çox şadıq ki, artıq kuboku almışıq”, – Qvardiola söyləyib .
Qeyd edək ki, “Mançester Siti” tarixində ilk dəfə UEFA Superkubokunu qazanıb. Daha əvvəl Qvardiolanın üç fərqli komanda ilə turnirdə qalib gələrək UEFA Superkubokunda rekorda imza atdığı bildirilirdi.
