ABŞ Ukraynanı helikopter və artilleriya ilə təchiz edəcək.
Busaat.az xəbər verir ki, bu barədə Ağ Evin yaydığı press-relizdə deyilir.
Belə ki, ABŞ və Ukrayna prezidentləri Cozef Baydenlə Volodimir Zelenski arasında telefon danışığı zamanı Amerika lideri bu ölkəyə zirehli personal, artilleriya sistemləri və helikopterlər də daxil olmaqla əlavə hərbi yardım üçün 800 milyon dollar ayıracağını bildirib.
“Bu yeni yardım paketinə çox effektiv silah sistemləri, eləcə də Rusiyanın Ukraynanın şərqində başlayacağını gözlədiyimiz daha geniş hücuma uyğunlaşdırılmış yeni hərbi texnika daxil olacaq”, – məlumatda qeyd edilir.
Bayden əlavə helikopterlərin təhvil verilməsini də təsdiqləyib.
Bundan əvvəl Ağ Evin sözçüsü Cen Psaki deyib ki, ABŞ Ukraynaya silahların çatdırılmasını sürətləndirilməsi üçün 1,7 milyard dollar ayırıb.
Xatırladaq ki, daha əvvəl ABŞ rəsmiləri Ukraynaya 750 milyon dollar dəyərində əlavə silah göndərəcəklərini bildirmişdilər.
