“Siyasət dəyişər, sənətçi yerində qalar” - Ərdoğanla görüşlərindən danışdı

“Bəzən bizim üçün “Prezidentə yaltaqlanırlar” deyilir. Prezident bizi görüşə dəvət edir, amma niyə sadəcə Rəcəb Tayyip Ərdoğandan danışılır? Turqut Özal, Tansu Çillerlə yaxın idim. Çağırsalar, yenə gedərdim”.

Busaat.az  xəbər verir ki, bu sözləri Türkiyənin məşhur müğənnisi Seda Sayan deyib. O, “Haber Global”a qonaq olarkən Prezident Rəcəb Tayyip Ərdoğanın görüşlərinə getmə səbəbini açıqlayıb, müxalif liderlərini tənqid edib:

“Kamal Kılıçdaroğlu bizi çağırdı, getmədik? İYİ partiyasının sədri Meral Akşener böyük səhvə yol verdi. Deyib ki, biz bu sənətçiləri tanımayacağıq. Ərdoğanın dəvətinə getmək, onun tərəfi olmaq demək deyil. Siz də dəvət edin, gələk! Siyasət dəyişər, sənətçi yerində qalar. O fikirlərin Ərdoğana düşmənlikdən irəli gəldiyini düşünürəm. Keçmişdə onlarla siyasətçinin dəvətinə getdik, müzakirə edilmədi. İndi niyə Ərdoğanın görüşlərindən danışılır?”