Şuşa Bəyannaməsi – Azərbaycanla Türkiyə qardaşlığının dönüş nöqtəsi

image-9a6e55c7-5f1a-48c5-be36-2054092714bdbackend

Azərbaycanla Türkiyə dövlətləri arasında dostluq  və qardaşlıq əlaqələri çox qədim tarixə malikdir. Əsrlər boyu Azərbaycan və türk xalqları həmişə bir-birinə dayaq, dəstək olmuş, sıx əməkdaşlıq etmişdir.  Ulu öndərimizin də   dediyi kimi, “bir millət, iki dövlət” olmuşlar. Təsadüfi deyildir ki,  Mustafa Kamal Atatürk  Türkiyə dövlətinin müdrik şəxsiyyəti Azərbaycanın kədərini özlərinin kədəri, sevincini isə öz sevincləri kimi hesab etmişdir.
Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi ölkəmizin diplomatik tarixinin ən mühüm sənədlərindən biri kimi dəyərləndirilməlidir. İki dövlət arasında 300-dən çox razılaşma imzalansa da , öz əhəmiyyətinə görə Şuşa Bəyannaməsi fövqəladə önəm kəsb edən bəyənnamədir.  Birinci və ən mühüm məqam odur  ki, Bəyannamə otuz ilə yaxın bir müddətdə işğal altında olmuş və 44-günlük Vətən müharibəsində əldə edilən  qələbənin nəticəsində düşməndən təmizlənən və ümumilikdə Cənubi Qafqazın özünəməxsus memarlıq nümunələri ilə seçilən  Şuşa şəhərində imzalanıb. Bu mühüm hadisə cənab Prezident İlham Əliyevin hərbi-siyası strategiyasının təntənəsinin növbəti parlaq nümunəsi oldu. Bu gün Türkiyə və Azərbaycan bir-birinə dünya miqyasında  ən yaxın olan ölkələrdir. Bu ölkələri birləşdirən bir çox amillər var, ilk növbədə, tarix, mədəniyyət, ortaq etnik köklər, dil, din, milli dəyərlər, milli maraqlar, xalqların  qardaşlığı bu birliyi təmin edib. Bu gün bu ölkələr dünya miqyasında, dünya çapında nadir əməkdaşlıq, iş birliyi, müttəfiqlik nümunəsi göstərir.
Belə bir sənədin imzalanması  15 iyun – Milli Qurtuluş günü və Qars müqaviləsinin 100-cü ildönümünə təsadüf etməsi çox ciddi rəmzi bir  məna kəsb edir. Unutmamalıyq  ki, 1921-ci ildə imzalanmış  Qars müqaviləsinə əsasən Naxçıvanın təhlükəsizliyinin təminatçısı olan Türkiyə Respublikası 100 ildən sonra Şuşa Bəyannaməsini  imzalamaqla ən başlıcası  Azərbaycanın, və ümumilikdə mürəkkəb bir regionun təhlükəsizliyinə qarant qismində çıxış etməyi qəbul etdi . Qürurverici  haldır ki, qardaş Türkiyənin Prezidenti cənab Rəcəb Tayyib Ərdoğan işğaldan azad edilmiş bölgəmizə  səfər edən ilk xarici dövlət başçısı olmuşdur və bu fakt da  Azərbaycan-Türkiyə münasibətlərinin ən pik  səviyyədə olmasının bariz göstəricisidir.
Uzun illərdir ki, iki dost və qardaş dövlətlər arasında mövcud olan strateji münasibətlər və bütün sahələrdə olan  sıx əməkdaşlıq müttəfiqlik münasibətlərinədək yüksəlməyə nail olmuşdur .  Bunu da nəzərə almaq lazımdır ki, bu cür yeni münasibətlər ümumi  şəkildə təhlükəsizliyinin təmin edilməsində, iqtisadi inkişafın və regional iqtisadi inteqrasiyanın  sürətləndirilməsində çox  mühüm rol oynayacaq.

Mamedova Fəridə -YAP-ın üzvü , Nəsimi rayon sakini

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90