Ankarada terror aktını törədən şəxslərdən birinin Kürdüstan Fəhlə Partiyasının (PKK) üzvü olub.
Busaat.az xəbər verir ki, bu barədə Türkiyə Daxili İşlər Nazirliyi bildirib.
“Terrorçulardan biri PKK separatçı terror qruplaşmasının üzvü olub. İkinci terrorçunun müəyyənləşdirilməsi istiqamətində işlər davam etdirilir”, – nazirlik deyib.
Terror aktı törədilmiş ərazidən 9,7 kq C-4 partlayıcısı, 3 əl qumbarası, bir qumbaraatan, səsboğuculu “Glock” tapançası” və iki avtomat tüfəng aşkar edilib.
Xatırladaq ki, ötən gün Ankarada Daxili İşlər Nazirliyinin binası yaxınlığında iki terrorçu terror aktı törədib.
