Türkiyə ordusu Suriyanın şimalında “Fərat Qalxanı” əməliyyatı bölgəsində Türkiyədə qadağan olunmuş Kürdüstan Fəhlə Partiyasının (PKK) 26 silahlısını məhv edib.
Busaat.az xəbər verir ki, bu barədə ölkənin Müdafiə Nazirliyi X sosial media hesabında bildirib.
“Fərat Qalxanı əməliyyatı bölgəsində yerləşən Dabuk bazamız yaxınlığında dünən gecə saatlarında hücuma keçən terrorçulara hərbçilərimiz qətiyyətlə cavab verib. 26 PKK terrorçusu məhv edilib”, – deyə məlumatda qeyd olunub.
Ankara PKK-nı milli təhlükəsizliyə əsas təhdid hesab edir. Türkiyə ordusu mütəmadi olaraq İraq və Suriyada kürd yaraqlılarına qarşı əməliyyatlar aparır və bölgədə böyük bir qoşun dəstəsi saxlayır.
