“Yuventus” Pirlonu istefaya göndərdi

İtaliyanın “Yuventus” klubu baş məşqçisi Andrea Pirlonu istefaya göndərib.

Busaat.az xəbər verir ki, bu barədə Turin təmsilçisi rəsmi saytında məlumat paylaşıb.

İstefaya komandanın geridə qalan mövsümdə uğursuz çıxışı səbəb olub.

Qeyd edək ki, Andrea Pirlo ötən ilin avqustunda “Yuventus”la 2 illik müqavilə imzalamışdı. Turin təmsilçisi ötən mövsümü 4-cü pillədə başa vurub. Pirlonu Massimiliano Alleqrinin əvəzləyəcəyi gözlənilir.