Zəfər Günündə qazilərə və şəhid ailələrinə pul veriləcək? – VACİB AÇIQLAMA

8 Noyabr – Zəfər Günü münasibətilə müharibə iştirakçılarına, qazilərə və şəhid ailələrinə dövlət tərəfindən birdəfəlik maddi yardım və ya əlavə müavinətin verilməsi məsələsi maraq doğurur.

Bəs bu il bayram münasibətilə belə bir qərarın qəbul edilməsi mümkündürmü?

Mövzu ilə bağlı danışan iqtisadçı Natiq Cəfərli bildirib ki, Zəfər Günü münasibətilə müharibə iştirakçılarına, qazilərə və şəhid ailələrinə birdəfəlik maddi yardımın göstərilməsi məqsədəuyğun olardı.

Onun sözlərinə görə, bu cür yardımların verilməsi ilə bağlı qərar qəbul etmək səlahiyyəti Nazirlər Kabinetinə məxsusdur:

“Belə bir yardımın göstərilməsi yaxşı olardı. Ancaq bununla bağlı qərarı Nazirlər Kabineti verir. Nazirlər Kabineti belə bir qərar qəbul etmək səlahiyyətinə malikdir. Qərarın veriləcəyini, yaxud verilməyəcəyini indidən söyləmək çox çətindir. Hələlik bununla bağlı hər hansı müzakirə yoxdur”.

Beləliklə, iqtisadçının fikrincə, Zəfər Günü münasibətilə birdəfəlik maddi yardımın verilməsi mümkün olsa da, bununla bağlı qərarın qəbul edilib-edilməyəcəyi hələlik məlum deyil.// Konkret.az