ANAMA-dan mina hadisələri ilə bağlı ÇAĞIRIŞ
Baş verən mina hadisələri ilə bağlı Azərbaycan Respublikasının Minatəmizləmə Agentliyi bir daha vətəndaşları təhlükəsizlik qaydalarına riayət etməyə və məsuliyyətli davranmağa çağırır.
ANAMA-dan Busaat.az-a daxil olan məlumatda deyilir:
Nərəzə alın ki:
• Müharibə bitsə də işğaldan azad edilmiş ərazilərdə mina və partlayıcı sursatların təhlükəsi davam etməkdədir.
• Minalanmış ərazilərdə hər bir yanlış addım həyat və sağlamlığınız üçün ciddi fəsadlar törədə bilər.
• Təyin edilmiş yerlərdən, yollardan və cığırlardan kənara çıxmayın!
• Naməlum və şübhəli əşyalara toxunmayın!
• Təhlükəsizliyinə əmin olmadığınız ərazilərə daxil olmayın!
• Atılıb qalmış hərbi sursatlar, texnikalar, səngərlər olan sahələrə, dağıdılmış yaşayış və digər tikililərin olduğu ərazilərə yaxınlaşmayın!
• Verilən təlimatlara ciddi şəkildə riayət etməyiniz həyat və sağlamlığınız üçün vacibdir.
