“50 yaşında adam nə iş tapır, nə də pensiya ala bilir”

“50 yaşdan sonra iş üçün gələndə deyirlər, çox yaşlısan. 50 yaşda pensiyaya gedəndə də deyirlər, bunun üçün cavansan”.

Bu sözləri aparıcı Aytən Səfərova “Xəbər ertəsi” verilişində deyib.

Aparıcı universitet bitirən gənclərin iş tapa bilməməsindən şikayətlənib:

“Tələbələr iş axtaranda deyirlər təcrübə lazımdır. Bölgələrdə yaşayan insanlar çətinlik çəkirlər. 20-21 yaşlı universitet bitirənə deyir, təcrübə lazımdır. Bunu özün yarat da. İdarələr diplomlu uşağa deyir ki, get təcrübə yığ gələrsən. Tələbə bunu necə toplasın?”