
57 nəfər prokurorluqda işə qəbul olundu

Prokurorluq orqanlarında qulluğa qəbulla bağlı növbəti müsabiqəyə yekun vurulub.
Busaat.az xəbər verir ki, müsabiqənin sonuncu mərhələsində 86 namizədin dünyagörüşü, məntiqi düşünmə qabiliyyəti, prokurorluqda işləmək üçün zəruri olan digər şəxsi keyfiyyətlərini müəyyən etmək üçün 5-13 dekabrda Baş Prokurorluğun Müsabiqə Komissiyası tərəfindən müsahibə keçirilib. Onlardna 57 nəfəri işə qəbul edilib.
57 namizəd Baş Prokurorluğun Elm-Tədris Mərkəzində icbari təlimə cəlb ediləcəklər. İcbari təlimi müvəffəqiyyətlə başa vurduqdan sonra prokurorluq orqanlarında müvafiq ştatlara təyin ediləcəklər.
Qeyd edək ki, müvəffəqiyyət qazanmış namizədlərdən 6 nəfəri Vətən Müharibəsinin iştirakçısıdır.
Müsabiqədən keçən şəxslərin siyahısı ilə buradan tanış ola bilərsiniz: Tam siyahı























