AB-ni sarsıdan biabırçılıq: Rüşvətxor parlamentar Eva Kaili sərbəst buraxıldı

Belçika mətbuatında yayılan və Kailinin vəkilinə əsaslanan xəbərə görə, istintaqa nəzarət edən Belçika məhkəməsi Avropa Parlamentinin (AP) keçmiş vitse-prezidenti Eva Kailinin həbsdən azad edilərək ev dustaqlığına buraxılmasına qərar verib.

Busaat.az xəbər verir ki, prokurorluqdan verilən məlumatda Kailinin elektron qandalla ev dustaqlığında qalacağı bildirilib.

AP-nin yunan deputatı olan 44 yaşlı Kaili dekabrda həbs olunduqdan sonra bir neçə dəfə azadlığa çıxmaq üçün müraciət etsə də, rədd cavabı alıb.

İki yaşlı qızı olan Kaili dünən belçikalı deputat Mark Tarabellanın sərbəst buraxılmasından sonra istintaq çərçivəsində həbsdə saxlanılan sonuncu şəxs olub, lakin artıq o da sərbəst buraxılıb.

Busaat.az