Abdullahiyan: "İsrail Qəzzada kütləvi qətlin ardınca gedir"

“Mühasirə, su və elektrik enerjisinin kəsilməsi, dərman və qidanın ölkəyə buraxılmaması göstərir ki, sionistlər bütün Qəzza xalqına qarşı qırğının ardınca gedirlər”.

Busaat.az İran dövlət televiziyasına istinadən xəbər verir ki, bu fikri Hüseyn Əmir Abdullahiyan İraqa yola düşməzdən əvvəl Tehran hava limanında mətbuata açıqlaması zamanı deyib.

O, Fələstindəki vəziyyətlə bağlı məsləhətləşmələr aparmaq üçün əvvəlcə İraqa gedəcəyini, daha sonra isə Livan və Suriyaya səfər edəcəyini bildirib.

“Müsəlman dünyası və görüşəcəyimiz rəsmilərlə məsləhətləşmələrimizdə, işin gedişini asanlaşdıracaq tədbirləri müzakirə etməyə çalışacağıq”, – Abdullahiyan söyləyib.

İsrailin Qəzzanı tam mühasirəyə almasına işarə edən Abdullahiyan, “Mühasirə, su və elektrik enerjisinin kəsilməsi, dərman və qidanın ölkəyə buraxılmaması göstərir ki, sionistlər Qəzzanın bütün əhalisinə qarşı qırğın törədirlər. Bzi müharibənin şahidi oluruq. Bu, Qəzzada sionistlərin bütün fələstinlilərə qarşı müharibəsidir” deyib.

İranın xarici işlər naziri Abdullahiyanın İraqdakı təmaslarından sonra Livana, oradan da Suriyaya gedəcəyi gözlənilir.