“ABŞ-ın başlatdığı müharibələrdə 20 il ərzində 900 minə yaxın insan həlak olub” - Putin
Rusiya prezidenti Vladimir Putin Federal Məclisdəki çıxışında Qərbin və ABŞ-ın bütün dünyada çevrilişləri təşviq etmək üçün pullarını əsirgəmədiyini deyib.
Busaat.az xəbər verir ki, Putin çıxışında Münhen Təhlükəsizlik Konfransında Qərbin son onilliklərdə etdiklərini dünyaya unutdurmaq üçün Rusiyanın bir çox cinayətlərdə ittiham olunduğunu vurğulayıb.
“Bütün bölgələr xaosa qərq olub. ABŞ-li ekspertlər bildirir ki, ABŞ-nin 2001-ci ildən sonra başlatdığı müharibələr nəticəsində 900 mindən çox insan həlak olub, 38 milyondan çox insan qaçqın düşüb”, – Putin deyib.
O, əlavə edib ki, kollektiv Qərb Kiyevin silahlanmasına artıq 150 milyard dollar xərcləyib.
Busaat.az
