ABŞ-ın PATRİOTLARI: “Rusiya daha ağır silahlar işlədəcək” - ŞƏRH

“Rusiya-Ukrayna müharibəsinin taleyini Avropada başlayan soyuq günlər həll edə bilər”.

Bunu Rusiya-Ukrayna müharibəsi fonunda yaxın perspektivdə baş verəcək hadisələri şərh edən politoloq Asif Nərimanlı Busaat.az-a açıqlamasında deyib.

O bildirib ki, Rusiya ilə Ukrayna arasında mövqe döyüşü gedəcək: “2014-cü ilə Donbas mövqe döyüşünün getməsi üçün təmas xətti kimi qurulub. Gələcək proseslər mövqe döyüşünün başlayacağından xəbər verir. Gələcəkdə bu hadisələr fonunda tərəflər arasında sülh danışıqları baş tuta bilər. Qərbdə sülh tərəfdarı olan da var, olmayan da.
Ukrayna müharibənin ilk günlərində müəyyən güzəştlərə razı idi. Dağıntıların, tələfatın artması səbəbindən hazırda Ukrayna heç bir güzəştə razı deyil. Proseslər cəbhədə baş verənlərə görə sürətli şəkildə dəyişir. Qışın başlaması Avropada soyuq günlərin keçəcəyi deməkdir. Müharibənin taleyinə təsir edəcək nüanslardan biri Avropanın istiliksiz qalmasıdır. ABŞ Ukraynaya Patriot raketlərin verilməsi ilə bağlı qərar verdi. Bu Rusiyanın daha da alovlanmasına, ağır silahlardan, ortamənzilli raketlərdən istifadəsinə zəmin yarada bilər”.

Busaat.az/Ələsgər