ABŞ Ukraynanın Krımı vurmasından yanadır - KİV

ABŞ prezidenti Co Baydenin administrasiyası Ukrayna hərbçilərinin Krım ərazisinə zərbələr endirməsinə icazə verilməli olduğuna, bununla da gələcək danışıqlarda daha əlverişli mövqenin əldə olunmasına meyl edir.

Busaat.az xəbər verir ki, bu barədə “The New York Times” mənbələrə istinadən məlumat yayıb.

Nəşr qeyd edir ki, Rusiya işğalı başlayandan administrasiya rəsmiləri Krım yarımadasına zərbələr endirmək üçün Kiyevi silahla təmin etməkdən imtina edərək sərt mövqe nümayiş etdirirlər.

Qəzet yazır ki, indi bu mövqe yumşalmağa başlayıb.

Mənbələrinin bildirdiyinə görə, Bayden administrasiyası Ukrayna rəsmiləri ilə müzakirələrdən sonra belə bir addımın eskalasiya riskini artıracağı halda belə, Kiyevin Krımı vurmaq fikrinə meyl etməyə başlayıb.

“The New York Times” qəzetinin yazdığına görə, bu yaxınlarda Ağ Evdə keçirilən görüşlərdə məsələ qaldırılıb.