“Açıqlama Araikin öz sözləri deyil, ona bu sözləri dedirdən...” - ŞƏRH

“Paşinyanla Araik arasında fikir ayrılıqları olsa da Rusiyanın Vardanyan layihəsindən sonra onlar həmrəydirlər”.

Bunu bir müddət öncə Azərbaycanla müharibə yox sülh istədiyini dilə gətirən separatçı rejimin rəhbəri Araik Arutyunyanın sözlərinə münasibət bildirən politoloq Vüqar Qədirov Busaat.az-a açıqlamasında deyib.

O bildirib ki, Azərbaycan Qarabağda yerləşən separatçılara silah verilərək müharibəyə həvəsləndirilməsini qəbul edə bilməz:

“Vardanyan və Araik arasında olan nifaqdan istifadə etmək lazımdır. Yaxın zamanlarda Qarabağ erməniləri arasında xoşagəlməz situasiya baş qaldıra bilər. Fikrimcə Araik Arutyunyanın və Paşinyanın məqsəd və maraqları eynidir”.

Politoloq seperatçı lider və Paşinyanın eyni maraqlardan çıxış etməsinin səbəbini qeyd edib: “Paşinyan və komandasına daxil olan Arutyunyan İran ətrafında baş verən proseslər nəticəsində Ermənistanın ayaq altında qala biləcəyini dərk edir. Azərbaycanla düşmənçilik Ermənistana heç bir uğur gətirə bilməz. 30 ilə yaxın Azərbaycanın torpaqlarını işğal altında saxlayan Ermənistan “Vətən” müharibəsində nə kimi zərərlər aldı özü çox yaxşı bilir. Bu baxımdan Araikin verdiyi açıqlamanın öz fikirləri olduğunu düşünmürəm. O, Paşinyanın fikirlərini dilə gətirmiş oldu. Əgər bir müddət Qarabağ məsələsində Paşinyanla Arutyunyan arasında fikir ayrılığı vardısa, Rusiyanın Vardanyan layihəsindən sonra onlar arasında həmrəylik müşahidə olunur”.

Ələsgər / Busaat.az