AFFA milli komandaların baş məşqçiləri ilə müqaviləni yenilədi

Azərbaycanın aşağı yaş qruplarından ibarət milli komandalarının baş məşqçilərinin başa çatmaqda olan müqavilələrinin müddəti qarşılıqlı razılıqə əsasında uzadılıb.

Busaat.az AFFA-nın saytına istinadən xəbər verir ki, bu barədə AFFA-nın İcraiyyə Komitəsinin bugünkü videokonfrans formatında iclasında qərar verilib.

Milan Obradoviç U-21, Samir Əliyev U-19-da, Elxan Abdullayev U-18-də, Miloş Velebit U-17, Aqil Nəbiyev U-16 komandasındakı işlərini davam etdirəcəklər.

Məşqçilərin yaş qruplarında fəaliyyəti pandemiya ilə əlaqədar UEFA tərəfindən müxtəlif turnirlərin ləğv olunması və ya təxirə salınması barədə qərarlara müvafiq şəkildə tənzimlənəcəyi və müqavilələrin müddəti seçmə mərhələni əhatə edəcəyi bildirilib.