“Yuventus”un yarımmüdafiəçisi Pol Poqbanın agenti Rafaela Pimenta futbolçunun İtaliya A Seriyasının 1-ci tur matçından sonra fransalının keçdiyi dopinq testinin müsbət çıxması ilə bağlı diskvalifikasiyasını şərh edib.
Busaat.az xəbər verir ki, bu barədə jurnalist Canluka Di Marzio məlumat yayıb.
“Biz nəzarət testlərini gözləyirik və o vaxta qədər heç nə deyə bilmərik. Əmin olan odur ki, Pol Poqba heç vaxt qaydaları pozmaq istəməyib”, – jurnalist agentdən sitat gətirir.
Xatırladaq ki, Poqbanın testosteron səviyyəsinin həddən artıq yüksək olduğu müəyyən edilib. Bu, terapevtik istisnasız qəbul edilməməli olan bir maddədir. Beləliklə, Poqba maksimum 4 il cəza almaq riski ilə üzləşir.
Poqbanın “Yuventus”la hazırkı müqaviləsi 2026-cı ilə qədərdir.
