"Aİ-də heç bir ölkə öz təhlükəsizliyini qoruya bilmir" - "FOCUS" jurnalı

Almaniya mərkəzli “FOCUS” jurnalı Avropa İttifaqını (Aİ) siyasi cəhətdən “cücə”, hərbi cəhətdən “soxulcan” kimi qiymətləndirib.

Busaat.az xəbər verir ki, jurnal yayımlanan məqalələrindən birində Avropa İttifaqını düşdüyü mürəkkəb vəziyyətlə bağlı sərt tənqid edib.

“FOCUS” qeyd edib ki, Aİ-nin yeni dünya düzənində atdığı addımlar məğlubiyyətə düçar olan xətlə davam edir: “Aİ onillərdir ki, beynəlxalq münasibətlərdə aktiv rol oynamır”.

Aİ-nin qlobal iqtisadi məsələlərdə önəmli paya sahib olduğu, ancaq beynəlxalq siyasətdə belə olmadığı qeyd edilən məqalədə bildirilib: “Buna görə də, Aİ yeni qlobal siyasi münasibətlərdə aktiv rola sahib olmayacaq. Birlikdəki heç bir ölkə öz təhlükəsizliyini qoruya bilmir”.

Busaat.az