Apple Türkiyədə son model “iPhone”lar üçün qiymətləri yeniləyib.
Busaat.az Türkiyə mediasına istinadən xəbər verir ki, keçən ilin sentyabr ayında təqdim edilən “iPhone 14” seriyası ilə diqqət çəkən Apple, artıq yeni cihazlar üzərində işləməyə başlayıb, lakin bu arada son seriyanın qiymətlərini yeniləməyi də unutmayıb.
“iPhone 13” və əvvəlki seriyaların qiymətlərində heç bir dəyişiklik etməyən Apple, “iPhone 14” seriyasının qiymətlərini yeniləyib.
“iPhone 14″ün başlanğıc qiyməti 30 min 999 lirədən 32 min 999 lirəyə, “iPhone 14 Plus” 34 min 999 lirədən 36 min 999 lirəyə, “iPhone 14 Pro”nun başlanğıc qiyməti 39 min 999 lirədən 41 min 999 lirəyə qədər bahalaşıb. “Pro Max”ın başlanğıc qiyməti isə 43 min 999 lirədən 45 min 999 lirəyə yüksəlib.
Busaat.az
