
Avropa və dünya üçün əhəmiyyətli əməkdaşlıq

Hazırda enerji resurslarına bütövlükdə dünyada və Avropada böyük tələbat olduğu üçün Gürcüstanla Azərbaycan da bu məsələdə bir cəbhədən hərəkət edərək, bir nöqtəyə vuraraq öz milli maraqlarını təmin edəcəklər.
Prezident İlham Əliyevin 24 oktyabr tarixində Gürcüstana işgüzar səfəri olmuşdur. Tarixən Gürcüstan və Azərbaycan arasında dostluq və qardaşlıq münasibətləri çox dərin ənənələr üzərində qurulmuşdur.
Prezidentin bəyanatında da vurğuladığı kimi, strateji tərəfdaşlıq əlaqələri müttəfiqlik səviyyəsinə qalxıbdır. Beynəlxalq təşkilatlar çərçivəsində hər iki ölkə bir-birini dəstəkləyir. İkitərəfli gündəliyə nəzər salsaq ticarət dövriyyəsinin artmasınıda müşahidə edə bilərik.
Bu ildə ticarət dövriyyəsi bir milyard dollara yaxınlaşmışdır. Azərbaycan Gürcüstana 3 milyarddan çox sərmayə qoymuşdurki, bu da hər iki tərəfin maraqlarını təmin etmişdir. Həyata keçirilən layihələr iki dövlətin əməkdaşlığını daha da gücləndirir. Bu il iki ölkə arasında yükdaşıma həcimi 75 faiz artmışdır. Dünyada Xəzər üzərindən Azərbaycan, Gürcüstan və qonşu ölkələrdən keçən nəqliyyət yollarına ehtiyac vardır. Ona görə də nəqliyyat sıx koordinasiya aparılmalıdır və qonşularla yaxşı münasibətlər olmalıdır. Gürcüstan və Azərbaycan arasında olan dostluq, qardaşlıq, tərəfdaşlıq münasibətləri bu imkanları yaradır.
Azərbaycan Dövlət Pedaqoji Universiteti
Gülzar Cavadzadə























