Azərbaycanda bütün təhsil müəssisələri yenidən bağlanır? – Yayılan xəbərlərə Təhsil Nazirliyindən REAKSİYA

Təhsil Nazirliyi məktəblərin bağlanma xəbərinə reaksiya verib.

Busaat.az xəbər verir ki, nazirliyin ictimaiyyətlə əlaqələr sektorunun müdiri Cəsarət Valehovun sözlərinə görə, məlumat ötən ilə məxsusdur:

“Ötən il tədris pandemiya səbəbindən ilk dəfə olaraq 3-9 mart 2020-ci ildə dayandırılmışdı. Bu il isə 2021-ci ildir, dərslərimiz də öz qaydasında davam edir” -, deyə qurum rəsmisi bildirib.

Qeyd edək ki, təhsil eksperti Kamran Əsədov martın 3-dən 9-dək Azərbaycanda bağçalar, məktəblər və universitetlər virusla əlaqədar fəaliyyətini dayandıracağını bildirmişdi.

***

Martın 3-dən 9-dək Azərbaycanda bağçalar, məktəblər və universitetlər virusla əlaqədar fəaliyyətini dayandırır.

Sfera.az xəbər verir ki, bu barədə təhsil eksperti Kamran Əsədov bildirib.