Azərbaycanlı deputatlar TBMM-də: Vedat Bilginlə görüşdülər
Xəbər verdiyimiz kimi, Azərbaycandan bir qrup heyət Xocalı soyqırımının 33-cü ildönümü ilə bağlı silsilə tədbirlər keçirmək üçün Türkiyədə səfərdədir.
Yenicag.az xəbər verir ki, səfər çərçivəsində millət vəkilləri Tənzilə Rüstəmxanlı, Səbinə Salmanova, Azərbaycan Kərkük Mədəniyyət və Əməkdaşlıq Mərkəzinin sədri Məlahət Qurbanova və “Yeni Çağ” Media Qrupunun rəhbəri, Mətbuat Şurasının İdarə Heyətinin üzvü Aqil Ələsgər Türkiyə Böyük Millət Məclisində (TBMM) olub.
Heyət TBMM-nin Səhiyyə, ailə, əmək və sosial məsələlər komissiyasının sədri Vedat Bilginlə görüş keçirib.
Görüşdə Azərbaycan və Türkiyənin qanunverici orqanları arasında
səhiyyə və sosial sahədə mümkün əməkdaşlıq məsələləri müzakirə edilib.
Azərbaycan nümayəndə heyətinin şərəfinə TBMM-də yemək verilib
T. Rüstəmxanlı səmimi görüş üçün Vedat Bilginə heyət adından təşəkkür edib.
