May ayının əvvəlində ölkəmizdə daha bir nüfuzlu konfrans öz işinə başladı. Baku Derma adlı Konfransının bu ilki fəaliyyəti bir daha onu göstərdi ki, sözügedən konfrans hər il daha da peşəkar şəkildə təşkil edilir və daha çox insanın marağına səbəb olur.
Əvvəlcə Baku Derma haqqında oxucularımıza müəyyən məlumatları təqdim edirik: Bildirmək istərdik ki, Baku Derma hər il keçirilir və Dermatologiya və Kosmetologiya haqqında konfrans təşkil edir. Dermatologiya, dəriyə qulluq sahəsində ən son elmi məlumatları və yenilikləri təqdim edən müstəsna platformadır.
Baku Derma buraxılışı yüksək səviyyəli məruzəçiləri, dəriyə qulluq edənləri, sənaye ekspertlərini və bütün əsas maraqlı tərəfləri bu mühüm görüşdən maksimum yararlanmaq və başqa bir faydalı təcrübə üçün bir araya gətirir.
Baku Derma Aparıcı Dermatologiya və Kosmetologiya Tədbiridir. Minlərlə dəriyə qulluq mütəxəssisi, iştirakçı və regiondan gələn ticarət ziyarətçiləri ilə iş imkanlarını genişləndirmək üçün düzgün platforma.
2025-ci ilin 4–5 may tarixlərində Bakıda keçirilən Bakuderma Konqresi və Sərgisi dermatologiya və estetik tibb sahəsində beynəlxalq təcrübənin, elmi yanaşmaların və innovativ texnologiyaların təqdim olunduğu mühüm peşəkar tədbir oldu.
600-dən artıq iştirakçının qatıldığı tədbir çərçivəsində müxtəlif ölkələrdən dəvət olunmuş mütəxəssislərin elmi çıxışları təqdim olundu, sərgi bölməsində isə qabaqcıl məhsullar və texnologiyalar nümayiş etdirildi.
Bakuderma, sahə üzrə elmi biliklərin paylaşılmasına, beynəlxalq əməkdaşlığın güclənməsinə və peşəkar inkişafın təşviqinə yönəlmiş nüfuzlu platforma kimi çıxış etdi.
Bu ilki tədbiri əvvəlki illərdən fərqləndirən əsas məqam beynəlxalq iştirakın miqyası, təqdim olunan texnologiyaların aktuallığı və praktik yönümlü elmi mövzuların daha geniş şəkildə əhatə olunması oldu.
Bakuderma-nın əsas məqsədi dermatologiya və estetik tibb sahəsində biliklərin, innovasiyaların və təcrübələrin bir araya gətirilməsi, elmi əməkdaşlıqların formalaşdırılması və peşəkar inkişaf üçün dayanıqlı mühitin yaradılmasıdır.
Qeyd edək ki, konfransda həm ölkəmizdən həm xarici ölkələrdən peşəkar həkim kosmetoloqlar, dermatoloqlar qonaq qismində və spiker olaraq iştirak ediblər.
Baku Derma Konfransında ölkəmizdən Aytən Mirzəliyeva, Şəhla Muradova, Fərhad Qarayev, Sənan Kərimov iştirak ediblər.
Türkiyədən isə Zekayi Kutlubay, Hüray Hürgül, Nazan Yılmaz, Fatoş Polat, Hakan Erbil, Pelin Eşme, Neslihan Dolar iştirak ediblər.
Ukraynada Kira Vardosanidze, Gürcüstandan isə Teona Sraj Baku Dermada öz ölkələrini təmsil ediblər.
Media nümayəndələri olaraq bu il keçirilən Baku Derma konfransında apardığımız müşahidələrə və rəy sorğularına görə gəldiyimiz qənaət budur ki, sözügedən konfrans yüksək səviyyədə təşkil olunub. İştirak edənlər öz məmnunluqlarını ifadə ediblər. Hesab edirik ki, Baku Derma konfransı növbəti dəfə də belə yüksək səviyyəli təşkilatçılıq və iştirakçılar üçün maraqlı yeniliklərlə öz fəaliyyətini davam etdirəcəkdir.
Sonda isə Baku Derma konfransının təşkilatçılarına, tərəfdaşlarına və rəhbər heyətinə gələcək işlərində daha çox uğur arzu edirik. Ümid edirik ki, bu konfrans növbəti illərdə daha genişmiqyaslı və daha çox əhəmiyyət kəsb edən yeni təşəbbüslərlə həyata keçiriləcəkdir.
Bakuderma konfransının 4-5 may tarixlərindəki tədbirindən görüntüləri sizə təqdim edirik:
Bünyamin Bünyadzadə
