
Bayden sabah İsrailə gedəcək

"Bayden sabah İsrailə səfər edəcək".
Busaat.az TASS-a istinadən xəbər verir ki, bunu Ağ Ev-in mətbuat katibi Jean-Pierre verdiyi açıqlamada bildirib.
O, Baydenin Fələstinin HƏMAS təşkilatının son hücumundan sonra "İsrailə davamlı dəstəyini nümayiş etdirmək" və növbəti addımlar barədə məsləhətləşmək istədiyini deyib.
“Prezident Bayden daha sonra İordaniyanın paytaxtı Əmmana gedəcək və burada Kral Əlahəzrət Abdullah, Misir Prezidenti Sisi və Fələstin Muxtariyyətinin prezidenti Mahmud Abbasla görüşəcək”, - deyə məlumatda bildirilir.
O, görüş zamanı HƏMAS-ın Fələstin xalqının ləyaqət və öz müqəddəratını təyinetmə hüququnu müdafiə etmədiyini təkrarlayacaq və Qəzzada mülki şəxslərin humanitar ehtiyaclarını müzakirə edəcək.























