Bayden Zelenski ilə görüşəcək
ABŞ prezidenti Co Bayden bu həftə Fransada, gələn həftə isə İtaliyada ukraynalı həmkarı Volodimir Zelenski ilə görüşəcək.
Busaat.az xəbər verir ki, bu barədə ABŞ prezidentinin milli təhlükəsizlik üzrə köməkçisi Ceyk Sallivan açıqlayıb.
“Normandiyada onun prezident Zelenski ilə görüşmək və onunla Ukraynadakı vəziyyəti və Ukraynaya dəstəyimizi necə davam etdirə və dərinləşdirə biləcəyimizi müzakirə etmək imkanı olacaq. Bir neçə gündən sonra Baydenin İtaliyada keçiriləcək G7 sammitində prezident Zelenski ilə yenidən görüşmək imkanı olacaq”, – deyə Sallivan qeyd edib.
