Belarus jurnalist Porotnikovu Polşa kəşfiyyatına işləməkdə ittiham edir

Belaruslu jurnalist və bloqqer Porotnikov dövlətə xəyanətdə ittiham olunur. O, Polşa kəşfiyyatını həssas məlumatlarla təmin etməkdə şübhəli bilinir.

Busaat.az xəbər verir ki, bu barədə Belarus təhlükəsizlik rəsmisi ONT telekanalında yayımlanan çıxışında deyib.

“Porotnikov bilə-bilə pul müqabilində Polşa kəşfiyyatının üzvünə onlarla əməkdaşlığa razılıq verib”, – rəsmi əlavə edib.

Onun sözlərinə görə, sözügedən jurnalist sosial, siyasi, iqtisadi və hərbi sahələrə aid olan həssas xarakterli məlumatların toplanması, təhlili və təhvil verilməsi vəzifələrini yerinə yetirib.

“Üstəlik, Porotnikov kimin üçün işlədiyini mükəmməl bilirdi”, – o, əlavə edib.