Belarus nüvə silahından istifadə etməyə hazırdır - Pavel Muraveyko

Rusiya ilə qeyri-strateji nüvə qüvvələrinin birgə təlimləri göstərdi ki, Belarus nüvə silahından istifadə etməyə hazırdır.

Busaat.az xəbər verir ki, Belarusun Baş Qərargah rəisi , general-mayor Pavel Muraveyko bildirib .

Baş Qərargah rəisi həmçinin qeyd edib ki, təlimlər çərçivəsində “İsgəndər” operativ-taktiki raket kompleksləri təyin olunmuş ərazilərə keçib, xüsusi döyüş sursatı alıb, onları döyüş bölmələri ilə birləşdirib.

Bundan əvvəl ölkənin müdafiə naziri Viktor Xrenin bildirmişdi ki, Belarusun Rusiya ilə birgə nüvə təlimlərində iştirakı digər ölkələri təhdid etmir.

Rusiya Müdafiə Nazirliyi isə bildirib ki, təlimlərin ikinci mərhələsi çərçivəsində iştirakçılar taktiki nüvə silahından döyüş istifadəsini öyrənmək niyyətindədirlər.