Belarus Rusiya ilə ümumi sənaye siyasəti haqqında saziş imzalamağı planlaşdırır
Belarus dekabrda Rusiya ilə ümumi sənaye siyasəti haqqında hökumətlərarası saziş imzalamağı planlaşdırır.
Busaat.az xəbər verir ki, bunu Belarusun iqtisadiyyat nazirinin müavini Alesya Abramenko bildirib.
“Dekabrda biz ümumi sənaye siyasəti haqqında saziş imzalamağı planlaşdırırıq” – deyə, nazir “Belaus-1” telekanalına müsahibəsində deyib.
O xatırladıb ki, iki ölkə bu yaxınlarda Rusiya və Belarus İttifaq dövlətinin ərazisində texnoloji əməliyyatların aparılması haqqında saziş imzalayıb. Onun sözlərinə görə, bu cür sazişlər həm Belarusda, həm də Rusiyada komponentlər alan Rusiya və Belarus şirkətlərinin subsidiyalara çıxışını asanlaşdırır. Bu müqavilələr həm də istehsalın lokallaşdırılmasına kömək edir.
Noyabrda Belarus hökuməti danışıqlar üçün əsas kimi ümumi sənaye siyasəti haqqında hökumətlərarası saziş layihəsini təsdiqləyib. Müqaviləni imzalamaq səlahiyyəti Belarus Baş nazirinin müavini Pyotr Parxomçikə verilib.
Busaat.az
