"Belarus və İran ədalətli dünya yaratmaq ideyasına sadiqdirlər" - Lukaşenko

Belarus və İran beynəlxalq gündəmdəki bir çox məsələlərdə oxşar mövqe və yanaşmalara malikdir.

Busaat.az xəbər verir ki, bu sözləri Aleksandr Lukaşenko İbrahim Rəisi ilə danışıqlardan sonra bildirib.

“Beynəlxalq gündəmdə olan bir çox məsələlərə münasibətdə oxşar mövqelərə və yanaşmalara malik olmağımız ümidvericidir. Ən əsası, Belarus və İran ədalətli çoxqütblü dünya yaratmaq ideyasına sadiqdirlər”, – Lukaşenko deyib.

O, bildirib ki, sonuncu dəfə İrana 17 il əvvəl səfər edib. “Deməliyəm ki, heç bir sanksiya, heç bir təzyiq İran xalqının öz müstəqilliyinə və təhlükəsizliyinə doğru hərəkətini dayandıra bilməzdi”, – Lukaşenko bildirib.

Busaat.az