Belarus və Rusiya regional təhlükəsizlik sazişinə dəyişiklik edir

image-15448854537883700669-1backend

Belarus Rusiya ilə hərbi sahədə regional təhlükəsizliyin birgə təmin edilməsinə dair sazişə düzəlişi nəzərdə tutan protokolun imzalandığını açıqlayıb.

Busaat.az xəbər verir ki, bu barədə məlumatı Belarus Müdafiə Nazirliyi yayıb.

Belarus Müdafiə Nazirliyindən verilən açıqlamada dekabrın 3-də Rusiya Müdafiə naziri Sergey Şoyqunun rəsmi danışıqlar aparmaq üçün Belarusun paytaxtı Minskə gəldiyi bildirilib.

Belarusun Müdafiə naziri Viktor Hrenin və Şoyqunun görüşdüyü qeyd edilən bəyanatda iki ölkə arasında cari məsələlərin, eləcə də hərbi-texniki əməkdaşlığın müzakirə edildiyi bildirilib.

Bəyanatda, “Hrenin və Şoyqu 19 dekabr 1997-ci il tarixli hərbi sahədə regional təhlükəsizliyin birgə təmin edilməsinə dair Belarus və Rusiya arasında sazişə dəyişiklikləri nəzərdə tutan protokol imzalayıblar” – deyə, bildirilib.

Şoyqu bəyan edib ki, Belarusun “ABŞ və müttəfiqlərinin düşmənçilik kursuna” qarşı durmaq əzmi və Rusiya-Belarus Birlik Dövlətinin hərbi təhlükəsizliyini birgə təmin etməyə hazır olması təqdirəlayiqdir.

Şoyqu qeyd edib: “Hazırda dövlət başçılarının qərarına uyğun olaraq iki ölkənin, Rusiya və Belarusun birgə regional hərbi birlik və güc birləşmələri döyüş koordinasiya fəaliyyətini həyata keçirir”.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90