Belarus yüksək terror təhlükəsi vəziyyətinə keçib – Lukaşenko

Belarus yüksək terror təhlükəsi vəziyyətinə keçib – Lukaşenkobackend

Belarus prezidenti Aleksandr Lukaşenko Belarus-Ukrayna sərhədindəki vəziyyəti dəyərləndirib.

Busaat.az xəbər verir ki, o, bu barədə Qazaxıstanın paytaxtı Astanada jurnalistlərə açıqlama verib.

Sərhəddə vəziyyətin gərginləşdiyini bildirən Lukaşenko, “Sərhədlərimizdə gərginliyin artması səbəbindən biz yüksək terror təhlükəsi vəziyyətinə keçmişik. Buna görə də Belarus ordusunun əksəriyyətini təşkil etdiyi və Rusiyanın hərbi birləşmələri ilə birlikdə formalaşdırılmış müttəfiq hərbi birləşmənin yerləşdirilməsi prosesinə başladıq” – deyə, bildirib.

Qeyd edək ki, Lukaşenko oktyabrın 10-da Rusiya ilə birgə regional hərbi birləşmənin yaradılması barədə razılığa gəldiklərini bildirib.

Belarusun xarici işlər naziri Vladimir Makey də Ukrayna sərhədində hərbi səfərbərliyə qarşı tədbirlər görəcəklərini açıqlayıb.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90