Rusiyanın nüvə silahlarını öz ərazisində saxlayan Belarus deyil, NATO qüvvələrinin Belarus sərhədləri yaxınlığında yerləşdirilməsi Avropanın təhlükəsizliyinə əsl təhdiddir.
Busaat.az xarici mediaya istinadən xəbər verir ki, bunu ölkənin Xarici İşlər Nazirliyi açıqlamasında bildirib.
“NATO-nun yeni qoşunlarının Belarus sərhədi yaxınlığında yerləşdirilməsi və Alyansın Şimali Avropada daha da genişlənməsi məsuliyyətsiz eskalasiya səbəb olan və Avropanın təhlükəsizliyini təhdid edən əsas amillərdir”, – nazirliyin “Twitter” səhifəsində yerləşdirilən bəyanatda deyilir.
Belə ki, Belarus Xarici İşlər Nazirliyi Aİ-nin xarici işlər və təhlükəsizlik siyasəti üzrə ali nümayəndəsi Josef Borrelin Rusiya nüvə silahlarının Belarusda yerləşdirilməsinin “məsuliyyətsiz eskalasiya və Avropanın təhlükəsizliyinə təhdid” olduğunu iddia edən bəyanatını şərh edib. Borrell Minski bu qərarı ləğv etməyə çağırıb, əks halda Aİ-nin yeni sanksiyalarla cavab verməyə hazır olduğunu bildirib.
“Xüsusi döyüş sursatları olan təyyarələri idarə edə bilən Belarus pilotlarının hazırlanması və Belarus ərazisində nüvə silahının yerləşdirilməsi heç bir şəkildə beynəlxalq hüquqa, xüsusən də Nüvə Silahının Yayılmaması Müqaviləsi müddəalarına zidd deyil”, – Belarus Xarici İşlər Nazirliyi daha əvvəl qeyd edib.
Belaruslu rəsmilərə görə, bu təcrübə nüvə və qeyri-nüvə dövləti arasında hərbi əməkdaşlıq sahəsində yeni deyil, NATO-nun uzun müddətdir ki, “nüvə paylanması” praktikasından istifadə etdiyini təkrarlayır.
Qeyd edək ki, Rusiya prezidenti Vladimir Putin martın 25-də bəyan edib ki, Minskin tələbi ilə Moskva ABŞ-nin bir müddətdir müttəfiqlərinin ərazilərində etdiyi kimi, öz taktiki nüvə silahlarını Belarusda yerləşdirəcək. Rusiya artıq nüvə gücünə malik “İsgəndər” raket sistemini Belarusa verib. İyulun 1-dək taktiki nüvə silahları üçün anbar tikilməlidir.
