Belçika Fransada satışı qadağan edilən iPhone 12-ni yoxladı
Belçika Fransada istehsalı dayandırılan iPhone 12 model telefonun buraxdığı radiasiya miqdarına görə yoxlanıldığını açıqlayıb.
Busaat.az xəbər verir ki, bu barədə Belçikanın Rəqəmsallaşma üzrə Xarici İşlər Naziri Matye Mişel yazılı açıqlamasında bildirib.
O, Belçika Poçt Xidmətləri və Telekommunikasiya İnstitutundan (BIPT) iPhone 12-nin “potensial təhlükəsini” təhlil etməyi xahiş edib.
Başda Apple qrupu olmaqla, bütün cihazların müəyyən bir cədvəl üzrə yoxlanılmasını istədiyini deyən Mişel, cihazların yaydığı elektromaqnit dalğalarının mövcud Avropa İttifaqı (AB) qanunvericiliyinə uyğun olaraq təhlil edilməsini və düzəldici tədbirlərin görülməsini tələb etdiyini vurğulayıb.
Fransada elektron cihazların yaydığı elektromaqnit dalğalarının miqdarına nəzarət edən qurum, 141 telefon modeli üzərində aparılan yoxlamalarda iPhone 12-nin Avropada icazə verilən radiasiya miqdarını keçdiyinin müəyyən edildiyini açıqlayıb.
Avropada bir telefon cibdə və ya əldə tutulduqda 4W/kq radiasiya miqdarına malik olmalı olduğu halda, iPhone 12 -də bu miqdarın 5,74 Vt/kq olduğu ortaya çıxdı.
