Fransa istintaq hakimləri Suriyanın keçmiş prezidenti Bəşər Əsədin 2017-ci ildə fransa-suriyalının ölümünə səbəb olan mülki obyektlərin bombalanmasında iştirak etdiyinə görə yeni həbs qərarı verib.
Fransa məhkəməsi Suriyanın keçmiş prezidenti Bəşər Əsədin 2017-ci ildə mülki obyektlərin bombalanmasında iştirak etməkdə şübhəli bilinərək yeni həbs qərarı çıxarıb, AFP xəbər verir. Bu addım Fransa Milli Antiterror Prokurorluğunun tələbi ilə atılıb. Prokurorlar deyirlər ki, Əsəd artıq məhkəmə proseslərindən dövlət toxunulmazlığına malik deyil.
Sərəncamın verildiyi hadisə 59 yaşlı fransız əsilli suriyalı Salah Əbu Nabunun Dəraa əyalətindəki evinin Suriya hərbi vertolyotları tərəfindən hücumu zamanı həlak olması ilə bağlıdır. Bundan əvvəl, kimyəvi silahdan istifadə ittihamı ilə əlaqədar olaraq, Əsədin həbsinə order artıq verilmişdi və Fransa prokurorluğu onun o zamankı toxunulmazlığına görə buna etiraz etməyə çalışmışdı.
Fransa Kassasiya Məhkəməsi prokurorun əvvəlki qərardan şikayətinə martın 26-da baxmağı planlaşdırır. AFP-nin məlumatına görə, indiyədək Suriyanın yüksək rütbəli rəsmiləri, o cümlədən Bəşər Əsəd haqqında 14 həbs orderi verilib.
Qeyd edək ki, Əsəd hal-hazirda ailəsiylə birgə Suriyadan qaçaraq, Rusiyaya mühacirət edib.
