“Artıq 10-cu ilini geridə qoyan Suriya böhranında beynəlxalq ictimaiyyətin nə qədər aciz olduğunu hamımız gördük”.
Busaat.az xəbər verir ki, bunu Türkiyə Prezidenti Rəcəb Tayyib Ərdoğan Türkiyə Böyük Millət Məclisində (TBMM) çıxışı zamanı deyib.
“Türkiyə tək özü 4 milyon məzluma qollarını açarkən insanlıqdan uzaq davranışlar nümayiş etdirənlər oldu. Əllərində nə varsa alınan, işgəncəyə məruz qalan insanlarla qarşılaşırıq. Aralıq dənizinin qaranlıq sularında hər il nə qədər insanın həlak olduğunun statistikası aparılmır.
İkiüzlülüyün oxşarını Suriyadakı terror təşkilatları mövzusunda da görürük. Sadəcə Türkiyə bu qaranlıq təşkilat ilə meydanda qarşı-qarşıya gəlib və biriləri tərəfindən şişirdilən şarı qısa müddətdə partladıb. Dünyanın öz ətrafında fırlandığını düşünənlər hər siyasi qarışıqlıqda belə olmadığını görməyə başlayırlar. Afrikadakı qıtlığın bütün insanlığın ortaq problemi olduğu tezliklə daha yaxşı başa düşüləcək”, – deyə Ərdoğan vurğulayıb.
