Braziliyada sel və torpaq sürüşməsi nəticəsində ölənlərin sayı 46-ya çatıb

Braziliyada güclü yağışların səbəb olduğu sel və torpaq sürüşmələrində ölənlərin sayı 46-ya çatıb.

Busaat.az xəbər verir ki, Sao Paulo əyalətinin rəsmiləri tərəfindən verilən açıqlamada, leysan yağışlar nəticəsində vəziyyətin daha da ağırlaşdığı bildirilib.

Təbii fəlakətdə indiyədək 46 nəfərin həyatını itirdiyi, 40 nəfərin isə itkin düşdüyü məlumatı paylaşılıb. Axtarış-xilasetmə işləri fasiləsiz davam edir.

Dövlət Səhiyyə İdarəsindən verilən açıqlamaya görə, xəstəxanalarda müalicəsi davam edən şəxslərdən 7-nin vəziyyəti ağırdır.

Leysan yağışların hələ davam edəcəyi bildirilib və vətəndaşlara diqqətli olmaları barədə xəbərdarlıq edilib.

Busaat.az