Analitika

Cənubi Qafqazda gedən proseslər bu məsələ ilə bağlıdır - ŞƏRH

Busaat Media Group 05.05.2023 - 15:25 · Yenilənib 14:39

image-azerbaijani-soldiers-who-are-civilians-recalled-for-duty-attend-a-training-at-a-military-training-and-deployment-center-near-the-city-of-ganja — Azerbaijani soldiers who are civilians recalled for duty attend a training at a military training and deployment center near the city of Ganja, Azerbaijan October 23, 2020. REUTERS/Umit Bektas

“İndi Cənubi Qafqazda Rusiyaya ikinci cəbhə açıldığını demək olmaz. Əksinə, Cənubi Qafqazda gedən proseslər sülhlə bağlıdır”.

Bunu Cənubi Qafqazda baş verən hazırki proseslərdən danışan politoloq Vüqar Əhmədov Busaat.az-a açıqlamasında deyib.

O bildirib ki, hazırda Rusiyanın Ukrayna müharibəsinə çox ciddi səfərbər olunduğu və bütün qüvvəsini ora sərf etdiyi görünür:

“İndi Cənubi Qafqazda Rusiyaya ikinci cəbhə açıldığını demək olmaz. Əksinə, Cənubi Qafqazda gedən proseslər sülhlə bağlıdır. Gec-tez Rusiya ilə Ukrayna arasında da müharibənin bitəcəyini və iki ölkənin münaqişəni bitirmək üçün danışıqlar masasına oturacaqlarını düşünürəm”.

“Hazırda ABŞ-nin Cənubi Qafqazda fəallaşması Moskvanı müəyyən qədər narahat edir. Çünki Rusiya 10 Noyabr sazişindən irəli gələrək sülh razılaşmalarının onların vasitəçiliyi ilə olmasını əlində saxlamaq istəyir. Burada Rusiyaya ən çox müqavimət göstərən ölkə Ermənistandır. Azərbaycan isə hər zamanki kimi konstruktiv mövqədən çıxış edir. Azərbaycan bu gün ABŞ-lə də regional təhlükəsizlik istiqamətində geniş əməkdaşlıq edir və bundan ötrü heç bir regional dövlətlə münasibətləri korlamır”, – politoloq qeyd edib.

Ələsgər

Xəbərləri ilk sən oxu — Telegram kanalımıza qoşulQoşul