“Cənubi Qafqazda hərbi fəaliyyətin artırılmasının əleyhinəyik” - Lavrov

“Rusiya Cənubi Qafqazda hərbi fəaliyyətin artırılmasının əleyhinədir”.

Busaat.az  xəbər verir ki, bunu Rusiyanın xarici işlər naziri Sergey Lavrov Moskvada iranlı həmkarı Hüseyn Əmir Abdullahiyan ilə birgə keçirilən brifinq zamanı jurnalistin Azərbaycanın Xəzər dənizi də daxil olmaqla, ölkə ərazisində Azərbaycan-Türkiyə-Pakistan təlimləri ilə bağlı sualına cavabında deyib.

Bununla yanaşı, Lavrov qeyd edib ki, Moskva dəfələrlə Xəzərin hüquqi statusu barədə Konvensiyanın tez bir zamanda qüvvəyə minməsinin vacibliyini vurğulayıb.

“Sözügedən sənəd qeyri-Xəzər ölkələrin regionda istənilən hərbi iştirakını qadağan edir. Hazırda İran parlamenti Konvensiyanı müzakirə edir. Ümid edirəm ki, sənəd tez bir zamanda ratifikasiya olunacaq və tam hüquqlu beynəlxalq sənəd olacaq”, – deyə Sergey Lavrov qeyd edib.