Çin və Pakistan ŞƏT Təhlükəsizlik Şurası katiblərinin onlayn iclasında iştirak edəcək
Çin və Pakistan ŞƏT-ə üzv ölkələrin Təhlükəsizlik Şurası katiblərinin çərşənbə günü Yeni Dehlidə videokonfrans vasitəsilə keçiriləcək illik iclasında iştirak edəcəklər.
Busaat.az xəbər verir ki, bu barədə TASS mənbələrinə istinadən məlumat yayıb.
“Çin və Pakistan videokonfrans vasitəsilə iştirak edəcək”, – mənbə bildirib.
Daha əvvəl, Rusiya Təhlükəsizlik Şurasının mətbuat xidməti bildirib ki, Şuranın katibi Nikolay Patruşev martın 29-da ŞƏT Təhlükəsizlik Şurası katiblərinin iclasında iştirak etmək üçün Hindistana səfər edəcək.
ŞƏT 2001-ci ildə yaradılmış beynəlxalq təşkilatdır. Hazırda onun tərkibinə Rusiya, Hindistan, Qazaxıstan, Qırğızıstan, Çin, Pakistan, Tacikistan və Özbəkistan daxildir.
Daha dörd dövlət – Əfqanıstan, Belarus, İran və Monqolustan müşahidəçi statusuna malikdir. Daha bir neçə ölkə dialoq üzrə tərəfdaş statusuna malikdir: Azərbaycan, Ermənistan, Misir, Kamboca, Qətər, Nepal, Səudiyyə Ərəbistanı, Türkiyə və Şri-Lanka.
