Donald Tramp cinsi istismardan məsul hesab edildi

Manhetten Federal Məhkəməsində bir həftə davam edən dinləmələrdən sonra 3-ü qadın 9 nəfərdən ibarət münsiflər heyəti bu gün Kerrollun xeyrinə nəticəyə gəlib.

Busaat.az xarici mediaya istinadən xəbər verir ki, təxminən 2,5 saatlıq müzakirədən sonra münsiflər heyəti Trampı Kerrollun mülki iddiasında “seksual zorakılıq” və “təhqir”ə görə məsuliyyətli bilib.

Qətnamədə Trampın Kerrolla təcavüz etdiyi iddiası isə rədd edilib.

Münsiflər heyəti bildirib ki, Tramp Kerrolla cinsi təcavüz və zorakılığa görə 2 milyon dollar, böhtana görə isə 3 milyon dollar, ümumilikdə 5 milyon dollar təzminat ödəməlidir.

Qərarın açıqlanmasından bir neçə dəqiqə sonra Tramp sosial media hesabında, “Bu qadının kim olduğu barədə heç bir fikrim yoxdur. Bu qərar utancvericidir, bütün zamanların ən böyük cadı ovunun davamıdır”, – deyə qeyd edib.

Qeyd edək ki, jurnal yazıçısı E. Jean Karroll 2019-cu ildə açıq elan edib ki, Tramp 1996-cı ilin yazında Nyu Yorkdakı Bergdorf Goodman mağazasının soyunub-geyinmə otağında ona cinsi təcavüz və zorakılıq edib.

Tramp isə, “O qadın mənim tipim deyil”, – deyərək, ittihamları rədd edib.

Busaat.az