Birləşmiş Millətlər Təşkilatı (BMT) Əfqanıstanda 6 milyon insanın qida çatışmazlığı ilə üzləşdiyi barədə xəbərdarlıq edib.
Busaat.az xəbər verir ki, bu barədə məlumatı BMT Baş katibinin Əfqanıstan üzrə xüsusi nümayəndəsinin müavini Ramiz Ələkbərov yayıb.
“Bizə qışa hazırlıq işlərinə dəstək üçün 768 milyon dollar, ilin sonuna qədər isə 614 milyon dollar lazımdır. Biz il boyu maliyyələşmə üçün mübarizə apardıq” – deyə, Ələkbərov bildirib.
Ölkədə 6 milyon insanın fövqəladə vəziyyətdə ərzaq çatışmazlığı ilə üzləşdiyini vurğulayan Ələkbərov bunun ərzaq təhlükəsizliyinin mənfi təsirləri istiqamətində yüksək səviyyədə olduğunu vurğulayıb.
BMT-nin məlumatına görə, 2023-cü ildə Əfqanıstan əhalisinin üçdə ikisinin (28 milyon nəfərdən çox) humanitar yardıma ehtiyacı olacaq.
2021-ci il avqustun 15-də Əfqanıstanda Taliban hakimiyyətə gəldikdən sonra ölkəyə beynəlxalq maliyyə yardımının kəsilməsi iqtisadiyyata ciddi zərbə vurub, qadınlar və qızlar təhsil də daxil olmaqla bir çox hüquqlardan məhrum edilib.
Busaat.az
