Əksər Asiya ölkələri NATO-nun regionda genişlənməsinə qarşıdır - Çin XİN

Asiya-Sakit Okean regionunun əksər ölkələri regionda NATO-nun genişlənməsinə qarşıdır.

Busaat.az xəbər verir ki, bunu Çin Xarici İşlər Nazirliyinin sözçüsü Vanq Venbin bildirib.

“Əksər ölkələrin mövqeyi çox aydındır. Onlar regionda müxtəlif hərbi blokların birləşməsinə qarşıdırlar, NATO-nun Asiyaya genişlənməsini alqışlamırlar, blok qarşıdurmasının Asiyaya ötürülməsini qəbul etmirlər”, – Venbin deyib.

“Asiya qarşılıqlı faydalı əməkdaşlıq üçün böyük arena olmalıdır və qapalı və müstəsna kiçik bloklara bölünməməlidir”, – diplomat qeyd edib.

“Bəzi ölkələr regionda sülhü və rifahı qorumaq üçün açıq olduqlarını deyirlər, lakin əslində onlar müxtəlif hərbi bloklara əl atırlar və NATO-nu Asiya-Sakit okean regionuna sıxışdırmağa çalışırlar”, – o, sözlərini bitirib.

Busaat.az