“Erməni əhali inteqrasiya etmək istəyir, lakin qorxur” - ŞƏRH

“Ermənilər separatçı rejimin hərbçilərindən qorxurlar. Bu qorxu olmasa istədikləri zaman inteqrasiya prosesini həyata keçirə bilərlər”.

Bunu Xankəndidə yaşayan ermənilərin çəkdiyi çətinlik fonunda Azərbaycana inteqrasiyanın mümkünlüyündən danışan politoloq Vüqar Qədirov Busaat.az-a açıqlamasında deyib.

O bildirib ki, Azərbaycan odrusu son uğurlu əməliyyatı nəticəsində Ermənistanın Qarabağda istifadə etdiyi alternativ yolları nəzarətə götürüb:

“Azərbaycanın atdığı bu addım Ermənistan və rus sülhməramlı kontingentinin birgə fəaliyyəti nəticəsində qanunsuz silah daşınmasına son qoydu. Azərbacan dəfələrlə Qarbağda yaşayan erməni əhaliyə inteqrasiya ilə bağlı müraciət edib. Lakin separatçı rejim və rus kontingenti erməni əhalinin Azərbaycana itneqrasiyasına imkan vermir. Xankəndidə yaşayan ermənilər separatçı rejimdən və rus kontingentinin özbaşınalığından bezib. Bu səbəbdən inteqrasiya istəyirlər. Sadəcə başlarında duran separatçı rejimin hərbçilərindən qorxurlar. Bu qorxu olmasa istədikləri zaman inteqrasiya prosesini həyata keçirə bilərlər”.

“Xankəndidə çətin situasiya yaranıb. Orada yaşayan ermənilər rus sülhməramlılarının qərargahı qarşısında mitinq keçirərək etirazlarını bildirdi. Separatçı rejimin son çırpıntılarıdır. Qarabağda yaşayan erməni əhalinin Azərbaycana inteqrasiyası məsələsi yalnız separatçı rejim fəaliyyətini dayandırdıqdan sonra müzakirə oluna bilər”, – politoloq qeyd edib.

Ələsgər / Busaat.az