Estoniya sülh bağlandıqdan sonra Ukraynaya qoşun göndərməyə HAZIRDIR

Estoniyanın baş naziri Kristen Mixal təsdiqləyib ki, ölkəsi Ukraynaya “istəklilər koalisiyası” çərçivəsində öz qoşunlarını göndərməyə hazırdır, ancaq sülh razılaşması əldə olunarsa.

Busaat.az xəbər verir ki, Berlində Almaniya kansleri Fridrix Mertslə keçirdiyi birgə mətbuat konfransında o xatırladıb ki, Estoniya hakimiyyəti sülh razılaşmaları əldə olunarsa, Ukraynaya bir rota qoşun göndərməyə hazır olduqlarını bildiriblər.

“Lakin bunun konkret olaraq necə görünəcəyini düşünməliyik – dənizdə, quruda. Bir daha vurğulayıram: əsgərlərimizin burada iştirak etməsi üçün konkret sülh sazişi lazımdır”, – estoniyalı siyasətçi vurğulayıb.

Rusiyanın xarici işlər naziri Sergey Lavrov daha əvvəl bəyan etmişdi ki, Ukraynanın təhlükəsizliyini Ukrayna ərazisinin istənilən hissəsinə xarici hərbi müdaxilə yolu ilə təmin etmək Rusiya üçün qəbuledilməzdir.

Yeganə