
Estoniyanın yeni prezidenti seçildi

Estoniyanın Milli Muzeyinin direktoru ölkənin yeni Prezidenti seçilib.
Busaat.az xarici KİV-ə istinadən xəbər verir ki, millət vəkilləri Alar Karisi Respublikanın Prezidenti vəzifəsinə seçiblər.
Məlumata əsasən, Karis seçkilərin ikinci turunda bu vəzifəyə yeganə namizəd olaraq qalıb. 80 səs verən şəxsin 72-si seçimini ondan yana edib. 8 bülleten isə doldurulmayıb.
Namizədin prezident seçilməsi üçün minimum 68 millət vəkilinin dəstəyi tələb olunur. Alar Karisin birinci turda qalib olmaq üçün 5 səsi çatmayıb.























